Pas fitores në ndeshjen miqësore me Lituaninë, Kosova ka nisur përgatitjet për fillimin e fushatës kualifikuese të Botërorit 2022 dhe këtë aventurë të re 'Dardanët' do ta nisin me sfidën ndaj Suedisë së Zlatan Ibrahimovic. nën drejtimin e bernard Challandes, Kosova ka zhvilluar një seancë stërvitore në Hajvali. Sipas Kosovapress, trajneri zviceran përpara fillimit të stërvitjes foli me futbollistët e grumbulluar duke i treguar taktikat dhe lojën që ai kërkon që skuadra e tij të zhvillojë përballë skuadrës skandinave. Në këtë seancë stërvitore ra sërish në sy mungesa e portierit Muric që u largua nga grumbiullimi i skuadrës përfaqësuese të kosovës për arsye disiplinore. po kështu mungoi edhe amir Rrahmani i jthyer në napoli për shkak të një dëmtimi të pësuar në kofshë. pjesa tjetër e futbollistëve ishin të gjithë në dispozicion të Challandes. Kosova është në Grupin B të kualifikueseve me Spanjën, gjeorgjinë, suedinë dhe greqinë. Sfidën me suedezët, përfaqësuesja kosovare do ta luajë të dielën, një ndeshje që do të transmetohet në platformën Digitalb