Pas hetimeve të OLAF që çuan në pezullimin e forndeve IPARD për Shqipërinë, Rama kërkoi nga Kroacia asistencë në njohuri për administrimin e fondeve të BE për bujqësinë, sepse një rast të ngjashëm ka patur edhe Kroacia pak kohë më parë. Ministri i Financave dhe Ekonomisë, Ervin Mete dhe Ministri i Punës, Sistemit të Pensioneve, Familjes dhe Politikës Sociale të Kroacisë, Marin Piletić nënshkruan marrëveshjen që u siguron qytetarëve të të dyja vendeve njohjen e ndërsjelltë të kontributeve të sigurimeve shoqërore për përfitimin e pensioneve. Nga kjo marrëveshje pritet të përfitojnë mbi 3,000 shtetas shqiptarë, të cilët jetojnë e punojnë në Kroaci.Falë marrëveshjes për mbrojtjen shoqërore, e cila do të nisë të zbatohet pas ratifikimit nga parlamentet e të dy vendeve, qytetarët nuk do të humbasin kontributet e paguara, pavarësisht se ku kanë punuar.