Robert Francis Prevost, 69 vjeç, nga Çikago, u zgjodh Papa Leoni XIV, duke u bërë papa i parë amerikan në historinë e Kishës Katolike. Zgjedhja e tij erdhi pas katër votimeve gjatë konklavës, duke shënuar një moment të rëndësishëm për 1.4 miliardë besimtarë të botës. Prevost kaloi dekada si misionar në Peru, ku shërbeu si peshkop. Presidenti amerikan, Donald Trump, e priti me entuziazëm zgjedhjen e Leonit të XIV, duke e quajtur atë "një nder të madh për vendin". Në një postim në Truth Social, Trump shkroi: “Urime Kardinalit Robert Francis Prevost. Papa i parë amerikan. Çfarë emocioni dhe çfarë nderi i madh për vendin tonë. Pres me padurim të takoj Papa Leoni i XIV. Do të jetë një moment shumë domethënës!” Këto deklarata kanë nxitur spekulime rreth një lidhjeje të mundshme mes dy udhëheqësve, duke marrë parasysh edhe origjinën amerikane të Papës së ri.