Një mosmarrëveshje mbi targat e makinave, duket në thelb një arsye e pamjaftueshme për vendosjen e ushtrisë në gatishmëri dhe për t'u përplasur me partnerët ndërkombëtarë. Por Serbia dhe Kosova aktualisht po bëjnë pikërisht këtë gjë. Këmbëngulja e Kosovës që pakica serbe duhet të dorëzojnë targat e lëshuara nga Serbia dhe ti zëvendësojnë me ato të lëshuara nga Kosova, po i tensionon marrëdhëniet me mbështetësit e saj kryesorë ndërkombëtarë, BE-në dhe Shtetet e Bashkuara. Trupat paqeruajtëse të Kfor-it të NATO-s po shtojnë patrullimet në Veri të Kosovës në rast të ndonjë incidenti. Dhe ministri i mbrojtjes i Serbisë thotë se trupat e vendit të tij janë vendosur në gatishmëri "për të mbrojtur të gjithë qytetarët e Serbisë, përfshirë serbët në Kosovë". Menjëherë pas mesnatës së të martës, policia e Kosovës filloi të jepte vërejtjet e para me shkrim, pasi afati për ndërrimin e targave skadoi.