Një ngjarje e pazakonte ka ndodhur në Athinë të Greqisë, ku disa mjekë kanë kryer një operacion të shkëlqyer për të ngjitur shpatullën e një të mituri. 11 vjecari humbi krahun e tij teksa po punonte me të atin në fermë. Ngjarja ndodhi ditën e shtunë, ndërsa i mituri momentalisht ndodhet në spital dhe po merr të gjitha trajtimet e duhura mjekësore. Sipas medias greke Protothema, operacioni i cili u krye nga 11 mjekë specialistë zgjati përreth 9 orë, ndërsa u bë e mundur që shpatulla e majtë e prerë e 11 vjecarit të ngjitej me suskes. Për shkak të operacionit të vështirë, 11-vjeçari qëndron i shtruar në Repartin e Mjekimit Intensivm, ndërsa nuk dihet se për sa ditë do të qëndrojë i shtruar. Sipas mjekëve, të cilët ishin specialistë të tre spitaleve të njohur në Athinë, kjo është ringjitja e parë e suksesshme e gjymtyrëve në lartësinë e shpatullave tek një fëmijë, të paktën në Greqi.