Ish-ministri Ilir Beqja prej më shumë se 9 orë u mor në pyetje nga prokurorët e SPAK, pas një fletëthirrjeje të firmosur nga prokurori Edvin Kondili, që po heton prej disa muajsh procedurat e dhënies së tenderave përmes partneritetit publik-privat për 2 koncensione në shëndetësi, sterilizimin dhe check-up. Koncensionet janë dhënë në kohën kur ministër i Shëndetësisë ishte Ilir Beqaj, sot në krye të Agjencisë Shtetërore për koordinimin e donacioneve të huaja. Ish-ministri u paraqit herët në dyert e SPAK, vetëm me një çantë shpine, i pa shoqëruar nga avokat. Ai tha se nuk i druhet përgjegjësisë penale. Ilir Beqaj është pyetur nga prokurori Kondilli dhe 2 oficerë të Byrosë Kombëtare të Hetimit, për mënyrën se si janë lidhur kontratat dhe zyrtarisht nuk është në statusin e të pandehurit mbi akuzën e shpërdorimit të detyrës, por të personit që ka dijeni për rrethanat e hetimit. Interesimit të gazetarëve Beqja nuk u është përgjigjur gjatë, por dha një sqarim tejet të shkurtër. Për të njëjtin hetim është pyetur më herët për 3 herë rresht, ish-zv.ministër i Shëndetësisë, Klodian Rrjepaj dhe anëtarë të komisionit që kanë vlerësuar procedurat e tenderëve.