Viktimat nga aksidentet janë thuajse të ngjashme sikur të ishte luftë. Rrugët e vendit nga veriu në jug përgjaken për shkak të aksidenteve rrugore, që shënojnë viktima dhe dëme materiale. Cdo ditë në vendin tonë, ndodhin dhjetra aksidente edhe pse policia e shtetit nuk i raporton të gjitha, kjo edhe për shkak të natyrës së aksidentit. Vetëm në 6 mujorin e parë të këtij viti, në vendin tonë 89 persona kanë humbur jetën si pasojë e aksidenteve të rënda. Krahasuar me një vit më parë, ka një rënie të ndjeshme të numrit të viktimave. Shifrat u bënë publike nga Institututi i Statistikave dhe referuar këtij raporti po në këtë hark kohor 581 aksidente me dhe pa viktima janë shënuar në të gjithë rrugët e vendit. Krahasuar me të njëjtën periudhë të një viti më parë, ka një rënie prej 13.4 përqind.