Gjatë periudhës janar-qershor të këtij viti, në total Kuvendi miratoi 64 ligje, pjesa më e madhe e të cilave ishin nisma të këshillit të ministrave, shtatë nisma të deputetëve të Partisë Socialiste dhe asnjë nismë e deputetëve të opozitës. Të dhënat statistikore parlamentare tregojnë se thuajse të gjitha nismat e këshillit të ministrave kanë marrë aprovimin e deputetëve të kuvendit. Në total gjatë këtyre gjashtë muajve janë depozituar 77 projektligje, nga këto janë depozituar 58 nga kryeministria, 11 nga deputetët e Partisë Socialiste dhe tetë nga opozita. Ndërkohë një pjesë e konsiderueshme të projektligjeve janë ende në procedurë. Pavarësisht debateve që kanë shoqëruar sesionin parlamentar, në gjashtë muaj është gjetur gjuha e përbashkët mes pozitës dhe opozitës në 30 raste. Statistikat tregojnë se në total 30 ligje janë miratuar me shumicë absolute votash. Refuzimi i kërkesave për interpelancë ka qenë një shqetësim i ngritur nga opozita e cila kërkon llogaridhënie nga kreu i qeverisë, Edi Rama. Në mars të vitit 2023, gjatë interpelancës për ccështjen e McGonigal, kryeministri Edi Rama paralajmëroi se nderi i përballjen nuk do ishte më si më parë. Sipas statistikave, gjatë periudhës janar-qershor të këtij viti janë kërkuar në total 13 interpelanca, jo vetëm me Ramën por edhe ministra të tjerë të kabinetit qeveritar, prej tyre janë realizuar gjashtë.