Shakira është në telashe. Prokuroria e Barcelonës kërkon një dënim me 8 vjet e 2 muaj burg për këngëtaren e njohur kolumbiane për akuzën e kryerjes së evazionit fiskal për shifrën e 14.5 milionë eurove në periudhën 2012-2014 teksa gënjeu se nuk e kishte rezidencën në Spanje. Prokuroria e ka dorëzuar aktakuzën me shkrim kundër 45 vjecares në gjykatë, pasi u vendos që Shakira të gjykohej për 6 krimet fiskale për të cilat akuzohet duke qenë se ajo që nga 2012 jetonte në Spanjë kështu që duhej të derdhte taksat në llogaritë e organeve fiskale të shtetit iberik. Shakira tashmë ua ka kthyer autoriteteve shifrën prej 14.5 milionë eurosh që iu detyrohej së cilës i shtoheshin edhe interesat prej 3 milionë euro, por kjo nuk do të thotë se ajo nuk do të ulet në bankën e të akuzuarve në Gjykatën e Barcelonës për t'iu përfgjigjur akuzave të ngritura ndaj saj në ditët e fundit Prokuroria spanjolle i ofroi një marrëveshje Shakirës në mënyrë që artistja kolumbiane të evitonte hyrjen në burg, një propozim të cilin 45 vjecarja e refuzoi pasi sipas saj nuk ishte i përshtatshëm, kështu që ajo do të jetë e detyruar të dalë në gjyq