Policia spanjolle në bashkëpunim me Europol ka çmontuar një rrjet kriminal të përfshirë në trafikun e kokainës nga Amerika e Jugut në BE. Hetimi filloi në tetor 2022, ndërkohë që u arrestuan 13 persona si edhe u konfiskuan 6.5 ton kokainë, automjete, ora luksoze, një numër i madh pajisjesh elektronike dhe 1.5 milionë euro cash. Lideri i rrjetit kriminal konsiderohet të jetë një nga trafikantët më të mëdhenj të drogës në Spanjë, emri I të cilit nuk është bërë me dije. Me qendër në Malaga, ai drejtonte një rrjet në shkallë të gjerë, duke kontrabanduar tonelata me kokainë nga Ekuadori dhe Kolumbia në BE. Bosi i krimit është gjithashtu një anëtar i një familjeje të njohur vendase nga qyteti spanjoll Castellar de la Frontera, i cili përdorte një kompani të shitjes së peshkut me shumice si aktivitet të ligjshëm. Rrjeti kriminal pastronte pasuritë e paligjshme me anë të kësaj kompanie, duke u përfshirë edhe në tentativa për korruptim të zyrtarëve publikë.