Një 75 vjecare nga Pavia në Itali, ka hedhur dy djemtë e saj në gjyq pasi nuk donin të iknin nga shtëpia. Dhe cështjen ajo e ka fituar duke i nxjerrë me urdhër gjykate nga shtëpia. Tani dy djemtë, 42 dhe 40 vjec, duhet të mbushin valixhet dhe të largohen deri më 18 dhjetor. Nëna, përvec refuzimit të dy djemve për të ndërtuar jetën e tyre, ishte e shqetësuar edhe nga fakti se ata nuk kontribuonin në shpenzime dhe as nuk e ndihmonin në punët e shtëpisë. Historia në fakt është vetëm një prej të shumtave në itali, ku problemi i fëmijëve që nuk largohen nga shtëpia e prindërve është bërë shqetësues...E madje tema është trajtuar edhe nga hollivudi, në disa filma të tij. Në gjykatë, e moshuara tha se e kishte ndërmarrë këtë hap e shtyrë edhe nga zakoni i djemve për tu kthyer në shtëpi në mes të natës dhe për ti lënë gjërat e tyre rrëmujë. Dhe ajo ka gjetur edhe mirëkuptimin e plotë të gjykatës e cila në vendimin e saj nënvizoi se e moshuara nuk kishte asnjë detyrim për të mbajtur djemtë që tashmë i kanë kapërcyer edhe të 40-tat.