Kërkesa më shkrim nga Operacioni Forca e Ligjit për vetëdeklarimin e burimeve të pasurisë u është derguar së fundmi edhe 4 shtetasve të tjerë të dënuar për vepra të ndryshme penale. Bëhet fjalë për Julian Toro, banues në Vlorë, i dënuar për veprën penale “Prodhimi dhe shitja e narkotikëve”; Viktor Shoraj i njohur si alias Robert Toro, nga Vlora, i dënuar në Itali për veprën penale “Trafikimi i narkotikëve”; Dino Abazi, nga Vlora , i dënuar për veprën penale “Mbajtja e substancave narkotike” dhe Daniel Nikaj, banues në Vlorë, i dënuar për veprën penale “Kultivimi i bimëve narkotike”. Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme. OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.