Infektimet nga covid 19 vijojnë të shënojnë humbje jete. 4 viktima janë raportuar këtë të hënë nga ministria e Shëndetësisë, ku një prej tyre ishte i moshës 55 vjeç. Në total numri i jetëve të humbura që nga fillimi i pandemisë ka shkuar në 2519. Ndërkaq ka pësuar rënie numri i infektimeve të reja nga koronavirusi në krahasim me të dhënat e javës që kaloi. Sipas raportimit ditor janë 502 raste të reja me Covid 19 të shënuar në gjithë vendin, një shifër kjo që është gati sa gjysma e rasteve të identifikuara në fundjavë. Në total janë kryer 5991 testime, ku rastet më të shumta vijojnë të regjitrohen në tiranë me 173 infektime, 74 në Fier, 31 në Shkodër, 29 në Durrës, 24 në Kavajë, 22 në Vlorë, 18 në Kamëz, 16 në Berat, 14 në Sarandë, 11 në Lushnje, 10 në Lezhë dhe më pak raste në bashkitë ë tjera të vendit. Rritje ka pësuar edh enumri I të shtruarve në spitalet, ku aktualisht në Spitalet COVID po marrin trajtim 147 pacientë, nga të cilët 17 janë në gjendje më të rënduar. Këtë të hënë janë shëruar 393 qytetarë gjatë 24 orëve të fundit, duke e çuar numrin e të shëruarve në 136,872 që nga fillimi i epidemisë. Ndërkohë janë 12,108 pacientë aktivë me COVID19 në të gjithë vendin.