Izraeli ka thirrur rreth 300.000 ushtarë rezervistë nën armë, si përgjigje ndaj sulmit të beftë të militantëve të Hamasit, njoftoi të hënën një zëdhënësi i Ushtrisë së Izraelit. Ushtria e përshkroi këtë thirrje si më të madhen në historinë e Izraelit për një kohë kaq të shkurtër. Hamasi, i cili kontrollin Rripin e Gazës, nisi një sulm të papritur ndaj Izraelit të shtunën. Izraeli thotë se më shumë se 700 njerëz janë vranë dhe 100 të tjerë janë rrëmbyer nga Hamasi. Në Gaza, më shumë se 400 njerëz janë vrarë pas bombardimeve ajrore hakmarrëse nga Izraeli, sipas zyrtarëve palestinezë. Ka shqetësime të mëdha për fatin e më shumë se 100 izraelitëve, të cilët u rrëmbyen dhe u dërguan në Rripin e Gazës. Izraeli shpalli zyrtarisht gjendjen e luftës të dielën dhe i dha ushtrisë dritën jeshile për “hapa të mëdhenj ushtarakë” për t’u hakmarrë ndaj Hamasit për sulmin befasues të së shtunës. Forcat izraelite thanë se kanë sulmuar më shumë se 1.000 shënjestra brenda Rripit të Gazës gjatë natës mes 8 dhe 9 tetorit. Izraeli ka një histori të gjatë armiqësie me Hamasin. Ata kanë luftuar përballë njëri tjetrit në Gaza katër herë dhe kreu shumë operacione të tjera, duke shkaktuar qindra viktima palestineze.