Një ngjarje e pazakontë ka ndodhur në një provincë të Britanisë së Madhe, ku një vajzë u arrestua nga policia pasi kishte krijuar 30 profile false në Instagram, me qëllim për të inskenuar disa akuza të rreme ndaj ish të dashurit të saj. 20 vjecarja Courtney Ireland-Ainsëorth ka denoncuar në polici shumë raste, duke supozuar se ish I dashuri i saj Louis Jolly kërcënonte këtë të fundit duke I thënë se do ta vrite me thikë. Vec kësaj, britanikja tha se ai dërgonte edhe mesazhe fyese pas ndarjes së tyre. Rasti u hetua nga policia britanike për më shumë 4 muaj, kjo pasi ish I dashuri i 20 vjecares ka tentuar vetëvrasjen disa herë pas akuzave të rëndë. Courntey ka dhënë 10 deklarata në polici, çka bënë që ai të arrestohej gjashtë herë duke kaluar një total prej më shumë se 80 orësh në paraburgim. Jolly u akuzua për sulm fizik dhe përndjekje si dhe u vendos në arrest shtëpie duke humbur vendin e punës. I riu tha se kishin qenë bashkë për gati dy vjet por ishin ndarë në terma të pranueshme në tetor të vitit 2019. Prokurori Paul Blasbery tha se ajo kishte bërë telefonata të shumta në polici nga korriku deri në dhjetor 2020, ku tregonte mesazhet në llogaritë e saj në Instagram për të cilat pretendonte se vinin nga Jolly. Por kur policia mori të dhënat nga rrjeti Facebook, mësoi se 17 llogari në Instagram ishin krijuar nga dy email-et e Ainsëorth me adresa kompjuterike IP që vinin nga shtëpia dhe celulari i saj. Kjo e fundit ka marrë një urdhër 10-mujor ku i ndalohet komunikimi me ish të dashurin.