Nëse ka një mjet që tashmë nuk e ndajmë nga përditshmëria jonë, ato janë maskat mbrojtëse që vendosim çdo ditë në fytyrë. Por a e dini që në të gjithë botën, në vetëm 1 minutë përdoren 3 milionë maska, ndërkohë që në muaj kjo shifër shkon në 129 miliardë maska. Qofshin kirurgjikale apo artizanale, ato po luajnë një rol të rëndësishëm dhe vendimtar në kufizimin e përhapjes së infeksioneve me virusin Sars-Cov-2 (dhe gjithashtu të gripit sezonal), por nga ana tjetër ato janë një shqetësim shumë i madh për ambientalistët, sepse maskat po bëhen fenomemi më i madh i ndotjes për ekosistemet tona. Instituti i Lartë i Shëndetit dhe Instituti i Lartë për Mbrojtjen dhe Kërkimin e Mjedisit (Ispra) ngre alarmin për ndotjen e lartë që ato sjellin.Rreth 75% e maskave të përdorura në botë përfundojnë në vend depozitimet e mbeturinave, ndërkohë që pjesa tjetër ose dhe më shumë në dete e oqeane. Një fakt sigurisht alarmant është se vetëm gjatë vitit 2020, mbi 1 miliard e gjysmë maska përfunduan në oqeane, duke kontribuar në krijimin e problemeve për florën dhe faunën detare. Por problemi më i madh është koha që i duhet degradimit të një maske: vlerësohet se duhen rreth 450 vjet para se një pajisje mbrojtëse individuale të zbërthehet plotësisht.