Në prag të fillimi të vitit të ri shkollor, PArtia Demokratike akuzon qeverinë Rama se ka dëmtuar më shumë edhe se vetë diktatura komuniste, sistemin arsimor shqiptar. Nëpërmjet drejtueses së departamentit të arsimit në PD, Lili Sula, demokratët shprehen se ky vit po fillon me 295 shkolla 9-vjeçare më pak. SINK Ky vit shkollor fillon me thellimin e braktisjes masive të arsimit tonë. Gjatë viteve 2013-2022 janë mbyllur 295 shkolla 9-vjeçare në vend, ose 22% e shkollave të arsimit të detyruar, sipas të dhënave zyrtare, të cilat lenë vend për pikëpyetje. Këto janë shifra të dala nga INSTAT, pra janë zyrtare. Po t’i shtojmë kësaj shifre mbylljen e institucioneve të arsimit parashkollor dhe atyre të mesëm të lartë, tabloja e zhbërjes dhe gremisjes së arsimit bëhet më e plotë. Sipas demokratëve edhe gjatë komunizmit mbështetja ndaj arsimit zinte 4-5% të prodhimit të brendshëm bruto, duke u krahasuar me vendet e tjera të OECD-së, por që tashmë socialistët e kanë dëmtuar. Sipas Partisë Demokratike arsimi financohet gati 40% më të ulët se vendet e zhvilluara dhe 20% më pak se financimet që japin vendet e rajonit, e për këtë kjo force politike thekson se është në prioritetet e veta qeverisëse nëse do tu besohet vota.