Autoritetet në qytetin e Moskës po ofrojnë një bonus për rekrutët e rinj që do të shkojnë të luftojnë në Ukrainë dhe kjo sipas analistëve perëndimorë është përpjekja e fundit për të shtuar numrin e trupave ruse. Shpërblimi financiar vjen ndërsa presidenti Vladimir Putin po përpiqet të rekrutojë trupa të reja për ushtrinë e tij, ndërsa pushtimi rus i ukrainës është në vitin e tretë të tij. Kryebashkiaku i Moskës Sergey Sobyanin prezantoi bonusin e rekrytimit prej 1.9 milionë rublashj ose rreth 22,000 dollarësh, për banorët e qytetit që i bashkohen ushtrisë, sipas një deklarate të martën. Kushdo që pranon ofertën do të fitojë madje deri në 5.2 milionë rubla ose 59,600 dollarë në vitin e parë të shërbimit, shtohet në deklaratë. Ata që dëshirojnë t'i bashkohen luftës në Ukrainë do të marrin gjithashtu pagesa në para edhe në rast se lëndohen, në varësi të shkallës së plagëve, ndërsa familja e një ushtari të vrarë në luftë mund të paguhet 34,150 dollarë. Ndërsa numri i humbjeve mes trupave ruse mbahet i fshehtë, vlerësimet thonë se numri i të vdekurve mes tyre është shumë i lartë. Më shumë se 70,000 ushtarë ka të ngjarë të jenë vrarë ose plagosur vetëm në maj dhe qershor, tha ministria britanike e mbrojtjes në një buletin të saj më 12 korrik, pasi ushtria ruse u përball me humbje të mëdha në një front të ri në rajonin e Kharkivit. Vlerësohet se Rusia ka humbur 87% të trupave tokësore në detyrë aktive që kishte përpara se të fillonte pushtimin e saj në Ukrainë dhe dy të tretat e tankeve të saj para pushtimit, tha për CNN një burim i njohur me një vlerësim të deklasifikuar të inteligjencës amerikane që i është dhënë Kongresit. në dhjetor të vitit të kaluar.