Gjatë 24 orëve të fundit janë identifikuar 21 vatra zjarri në të gjithë vendin, nga të cilat 18 janë neutralizuar ndërsa 3 mbeten aktive. Zjarri po përhapet në zonat Cerkovicë, Llupsat dhe Shëndre, duke përfshirë një sipërfaqe me pyje pishe dhe bimësi të ulët. Në operacionet për shuarjen e zjarreve janë angazhuar 41 automjete zjarrfikëse dhe 314 forca operacionale, të ndihmuar nga Forcat e Armatosura me 30 efektivë, 3 automjete zjarrfikëse me ekuipazh dhe mbështetje nga ajri. Qarku më i rrezikuar mbetet ai i Fierit.