Gjykata në Uells ka dënuar me 3 vite burg në total 2 shqiptarë, të cilët kishin kthyer një pab në një fermë droge. Sipas mediave të huaja, Gjykata e Suonsit ka dhënë 1 vit burg për Elson Kryemadhin dhe 2 vite burg për Arben Matrapazin. Më 6 maj të këtij viti, Policia angleze u sinjalizua nga banorët ngjitur se në ndërtesë kishte aktivitet të çuditshëm. Pas kontrollit u gjetën 190 bimë narkotike të kultivuara, teksa 2 shqiptarët shërbenin si rojtarë të fermës. Ata kishin hyrë ilegalisht në Britaninë e Madhe, madje Arben Matrapazi ka vuajtur 16 vite burg në Itali për trafik heroine. Si përfundim rezultoi se droga e kapur kapte vlerën e 50 mijë paundeve dhe pikërisht pub-i ishte vetëm 100 metra larg stacionit të policisë në Suonsi. Tashmë në Angli shqiptarët ilegalë janë të implikuar në kultivimin e drogës nëpër shtëpi, lokale dhe ndërtesa.