Numri i shqiptarëve të arrestuar për përfshirjen e tyre në trafikun e drogës jashtë kufirit shqiptar mesa duket nuk ka fund. Një pjesë e shqiptarëve të cilët largohen nga vendi i tyre për të pasur një punë dhe të ardhura më të larta diku tjetër, zgjedhin rrugën e lehtë duke u përfshirë në trafikun e drogës. Në disa raste ato janë të varur nga shefat e tyre, e në disa të tjera ata janë vetë shefa. Rasti më I fundit I arrestimit të disa shqiptarëve në Itali. Policia italiane ka shkatërruar dy gruipe krminale, ku nga ky operacion u sekuestruan pasuri me vlerë 2 milionë euro. Në këtë shumë përfshihen makina, pasuri të paluajstshme dhe para cash. Sipas mediave italiane këto dy grupe kriminale merreshin me trafikim droge në territorin e Venetos. Në këtë hetim masiv janë përfshirë 33 persona të cilët operonin konkretisht në Venecia, Padova, Treviso dhe Verona ndërsa lidhjet e tyre arrinin deri në Lombardi. 18 persona u shoqëruan në komisariat, ndërsa u sekuestuan 25 kg kokainë dhe 11 kg lëndë narkotike të llojit marijuanë.