Dy viktima të tjera janë shënuar gjatë 24 orëve të fundit në vendin tonë si pasojë e komblikacioneve të shkaktuara nga koronavirusi. Ministria e Shendetësisë bëri të ditur se dy qytetarët që kanë humbur jetën janë nga Tirana, të moshave 52 dhe 78 vjeç. Numri i përgjithshëm i viktimave që nga fillimi I pandemisë ka shkuar 2,408 persona. Ndërkaë në krahasim më dy ditët e kaluara, ka pësuar rënie numri I rasteve të reja dhe janë 67 persona të prekur nga covid 19 si rezultat I 2728 testimeve të kryera ndaj personave të dyshuar. Nga këto raste 17 të prekur janë në Tiranë, 9 në Korçë, 7 né Shkodër, 5 në Devoll, 4 në Pogradec dhe më pak infektime në bashkitë e tjera të vendit. Është ulur më tej edhe numri i të sëmurëve që po trajtohen në spitalet COVID , ku po marrin mjekim 104 pacientë, 11 në terapi intensive, nga të cilët 4 pacientë janë të intubuar. Edhe në të dhënat e kësaj të premteje pozitiv është numri i lartë i të shëruarve, ku janë 891 qytetarë që kanë fituar betejën me virusin, duke e çuar numrin e të shëruarve në 115,253 që nga fillimi i epidemisë. Numri i rasteve aktive në vend ka vijuar të bjerë, dhe aktualisht janë 13 916 persona të prekur nga koronavirusi.