Në intervalin kohor të 24 orëve të fundit janë regjistruar 167 raste të reja me koronavirus, ndërsa dy persona kanë humbur jetën. Rastet pozitive të konfirmuara në 24 orët e fundit janë identifikuar në shifrat më të lartë në Tiranë, duke vijuar me Durrësin, Korcën, Beratin e më pas në rrethe të tjera të vendit. Fatkeqësisht e kanë humbur betejën me COVID 19, një 74 vjeçare nga Korça dhe një dhe një 78 vjeçare nga Tirana. Aktualisht në spitalin Infektiv dhe “Shefqet Ndroqi” po trajtohen 239 pacientë, 17 në terapi intensive nga të cilët 6 pacientë janë të intubuar. Ndërkohë, janë shëruar 89 qytetarë, duke e çuar në 9304 numrin e të shëruarve në vend që prej fillimit të epidemisë Ministria e Shëndetësisë dhe Mbrojtjes Sociale u bën thirrje qytetarëve të mos e ulin vigjilencën për zbatimin e masave antiCOVID. Në institucione arsimore, në biznese, në transportin publik, kudo në ambiente të brendshme dhe aty ku nuk ruhet distanca, është e domosdoshme që të vendoset maska në mënyrë të tillë që të mbulojë hundën dhe gojën. Sipas Ministrisë është një ndër masat më efikase që e kufizon përhapjen e infeksionet, sikundër është shumë e rëndësishme të respektohen rregullat e distancimit social dhe të higjienës, për të kufizuar përhapjen e COVID 19.