Trageti i linjës Brindisi Vlore, i mbërritur në portin e Vlorës për të zbarkuar pasagjerët, pasi ka bërë disa manovra për t’u lidhur në mol e ka pasur të pa mundur për shkak të erës së fuqishme. Për pasojë 160 pasagjerët që janë në traget kanë ngelur brenda dhe nuk mund të zbresin. Ndërkohe trageti ka dalë në radë, deri në përmirësimin e motit. Vlora prej orëve të para të mëngjesit po shënon reshje shiu dhe erë të fortë, duke shënuan probleme në port, e sidomos për anijet e peshkimit dhe tragetet. Në bazë të parashikimit të kushteve hidrometeorologjike në portin e Vlorës dhe jashtë saj era dhe deti në drejtimin jug-juglindje shkon deri në 15 metra për sekondë dhe maksimalisht në 25 metra për sekondë. Nisur nga kjo situatë, autoritetet portuale kanë marrë vendimin për pezullim,in e të gjitha mjeteve të vogla të peshkimit. Anijet pasagjere të transportit ndërkombëtar detar ndërkohë nuk janë pezulluar. Përmirësimi i kushteve hidrometeorologjike për mjetet e vogla lundruese dhe ato të peshkimit do të jetë në datën 01.02.2021 ora 16:00.