Dy oficerë policie në provincën perëndimore kanadeze të Albertës, u qëlluan dhe u vranë në krye të detyrës. Ata kishin marrë një telefonatë për një konflikt familjar dhe kishin mbërritur menjëherë, por u qëlluan me armë zjarri nga një 16-vjeçar. Ky I fundit, pasi pa që shtëpia u rrethua nga efektivë të shumtë policie, u vetëvra me armën e zjarrit që qëlloi edhe oficerët e policisë. Ndërkohë, raportohet se në shtëpinë e adoleshentit, u gjet e plagosur me armë zjarri edhe mamaja e tij, e cila dyshohet se është qëlluar pikërisht nga 16-vjeçari Oficerët e vrarë ishin Travis Jordan, 35 vjeç dhe Brett Ryan, 30 vjeç, teksa të dy punonin në Shërbimin Policor të Edmontonit, prej më shumë se 5 vitesh. Shefi i policisë tha se dy oficerët I ishin përgjigjur nëj telefonate për dhunë në familje në një kompleks apartamentesh ën Edmonton dhe me të mbërritur atje, u qëlluan me armë, pa pasur asnjë mundësi reagimi.