Policia e Durrësit ka finalizuar një tjetër fazë të operacionit të koduar “Storm”, duke goditur një tjetër rast prostitucioni në qytet. Pas disa ditëve hetimesh janë arrestuar dy shtetase kolumbiane dhe janë proceduar penalisht 6 shtetas shqiptarë. Dy shtetaset kishin marrë me qira një apartament në lagjen nr. 1, në zonën e Vollgës në Durrës dhe e shfrytëzonin atë për prostitucion. Po ashtu, gjatë operacionit u sekuestruan dy pasaporta të huaja, një shumë parash në euro dhe lekë, si dhe një sasi prej rreth 15 mijë euro, të dërguar tek familjarët në Kolumbi brenda një periudhe 20 ditore.