Vdekja e Ivan Pechorin, Drejtori i përgjithshëm i Korporatës Ruse për Lindjen e Largët dhe Zhvillimin e Arktikut njëkohësisht një nga menaxherët më të afërt të Putinit, coi në 13 numrin e oligarkëve rusë, të cilët kanë humbur jetën në mënyrë misterioze që prej fundit të muajit janar. I pari që humi jetën ishte Leonid Shulman më 29 janar. Shefi i shërbimit të transportit të Gazprom Invest u gjet i vdekur në banjën e vilës së tij në Leninsky. Një ditë pas shpërthimit të luftës në Ukrainë, Alexander Tuljako Zëvendës Drejtor i Përgjithshëm i Bankës së Gazprom u gjet i varur në garazhin e vilës së tij. Tre ditë më vonë, Michael Watford, manjati i energjisë u gjet i pajetë në shtëpinë e tij në Surrey, në jugperëndim të Londrës. Më 23 mars, Vasili Melnikov pronari i MedStorm, një kompani furnizimesh mjekësore u gjet i vdekur bashkë me gryan dhe dy fëmijët e tij. Për rastin në fjalë u tha se ai ka vrarë familjen e më pas ka kryer vetëvrasje.