Gjykata e Valencias, ka arrestuar gjashtë persona dhe ka ngritur akuzat për trafikim droge, pastrim parash, mashtrim me energjinë elektrike dhe grup të strukturuar kriminal. Operacioni rezultoi në arrestimin e 5 burrave dhe një gruaje, të kombësisë shqiptare dhe kolumbiane. Sipas mediave spanjolle, hetimi nisi kur policia zbuloi një konteiner me 36 kg marijuanë. Në total u gjetën 125 kg marijuanë, një pistoletë dhe 4000 euro cash. Gjatë hetimit, rezultoi se organizata kishte një hierarki të forte. Ku kreu i grupit kriminal bënte udhëtime mujore në Londër, ku mësohet se kishte edhe vendbanimin e tij. Sakaq në muajin dhjetor janë kryer pesë kontrolle në dy banesa dhe dy magazina industriale. Grupi kriminal akuzohet për këto krime kundër shëndetit publik, pastrim parash, anëtarësim në organizatë kriminale dhe mashtrim me energjinë elektrike.