Venecia është aq e mbingarkuar nga turistët me buxhet të ulët që shpenzojnë shumë pak para, sa vizitorëve duhet t'u vendoset një taksë 100 euro për të hyrë në qytet, tha një nga udhëheqësit e biznesit atje. "Jemi në gjendje emergjence - turistët nuk blejnë më asgjë. Do t'i bëja që të paguanin 100 euro për person nëse duan të vizitojnë qytetin", tha Setrak Tokatzian, pronar i një dyqani historik bizhuterish dhe president i shoqatës së bizneseve të Sheshit të Shën Markut, në zemër të qytetit që është pjesë e listës së unesco-s të Trashëgimive Botërore. Udhëtarëve ditorë u është vendosur tashmë një tarifë midis 5 dhe 10 euro për person për të hyrë në Venecia sipas një skeme të diskutueshme të prezantuar nga këshilli i qytetit vitin e kaluar. Por propozimi i bizneseve shkon shumë përtej kësaj. Ata nuk i presin mirë pushuesit me buxhet të vogël që udhëtojnë nëpër kontinent dhe flenë në cadra, dhe më pas mbërrijnë në Venecia me autobusë. “Çdo ditë shoh lumenj njerëzish që mbërrijnë në qytet, por nuk kanë një qëllim të vërtetë. Ata lëvizin nga një pjesë e qytetit në tjetrën, të udhëhequr nga guida turistike, hipin në gondola, marrin taksi uji, vrapojnë andej-këndej, por askush nuk blen asgjë”, tha Tokatzian. “Ata mbërrijnë në mëngjes me autobusë dhe largohen pasdite pa shpenzuar asnjë euro. Nuk dua ta them, por ky lloj turizmi është i tmerrshëm”, shton ai. Bizneset e nivelit të lartë po vuajnë nga turistët ditorë që ikin më shpejt se sa vijnë dhe nuk shpenzojnë asgjë, shtoi ai, duke vijuar: “Nuk sheh më njerëz që kalojnë në rrugë me çanta dore të blera në dyqanet e firmave, siç ndodhte në të kaluarën”. Ai thotë më tej se ka parë familje të ndajnë një pjatë të vetme në restorant ndërkohë ka radhë të gjata në cezmat e qytetit sepse njerëzit nuk duan ta blejnë atë. Turistët ditorë nuk hyjnë në dyqane por bëjnë selfi ndërsa ushqejnë pëllumbat në sheshin e shën markut. Bizneset e ligjshme nuk shesin asgjë, por shitësit ambulantë, shumica nga bangladeshi apo vende të tjera, fitojnë qindra euro në ditë duke shitur ilegalisht.