Lufta vdekjeprurëse e Vladimir Putinit në Ukrainë, ka rezultuar një gjakderdhje e madhe në këto 100 ditë, por ekspertët paralajmërojnë se Rusia po mbetet pa trupa dhe pa pajisje moderne ushtarake. Trupat e putinit e pushtuan Ukrainën më 24 shkurt dhe në javët dhe muajt që pasuan, rusia ka humbur dy herë më shumë ushtarë se në 10 vitet e luftës sovjeto-afgane. Në fillim të luftës, druhej se Rusia do ta shtinte në dorë Ukrainën brenda pak ditësh, ndërsa njerëzit e putinit u duk se morën kontrollin e aeroportit strategjik Hostomel në periferi të kryeqytetit Kiev. Paratrupat ruse u përpoqën dy herë të sulmonin shtabin e presidentit Zelenski dhe ta vrisnin atë edhe pse shefi ukrainas i shtetit ndante video sfiduese ku tregonte se ai ishte ende në kryeqytet. Forcat e putinit tentuan të merrnin kontrollin e mariupolit që në fillim për të vendosur një korridor tokësor mes donetskut të pushtuar dhe territorit të aneksuar të Krimesë, por fillimisht u zbrapsën dhe vetëm pasi e kthyen qytetin në gërmadhë dhe u përballën me rezistencën heroike të mbrojtësve ukrainas në Azovstal, mundën ta merrnin kontrollin. Deri në fund të marsit, rusia u detyrua të ndryshonte në mënyrë drastike strategjinë ushtarake duke tërhequr trupat nga Kievi e duke u përqendruar në lindje të vendit. E ndërsa rusët tërhiqeshin, zbuloheshin krimet e tmerrshme të luftës në qytete si Bucha dhe Irpini.