Izraeli ka vazhduar bombardimet në rripin e Gazës duke premtuar se do të vazhdojë ofensivën e saj për të shkatërruar Hamasin ndërsa lufta i afrohet 100 ditëve, pa patur një fund të dukshëm në horizont. Kryeministri Benjamin Netanjahu tha se Izraeli nuk do të stepej nga padia në gjykatën ndërkombëtare të drejtësisë në hagë, ku po kundërshton akuzat se fushata e tij në Gaza është genocid. “Askush nuk do të na ndalojë ne, as haga, as aksi i të keqes”, tha ai në një konferencë për shtyp duke iu referuar Hamasit, dhe lëvizjeve të mbështetura nga irani, Hezbollah dhe Huthi. Më shumë se tre muaj pas sulmit të 7 tetorit në izrael, që edhe ndezi luftën, më shumë se 20 mijë palestinezë janë vrarë deri më tani në Gaza dhe enklava është shndërruar në një mal rrënojash me popullatën prej 2.3 milionë banorësh të ngjeshur në një qoshe të vogël në jug të saj. Izraeli thotë se ka në shënjestër militantët dhe se po bën gjithcka që mundet për të minimizuar dëmet për popullatën civile, ndërsa është angazhuar edhe në luftë urbane me Hamasin në gaza. Por numri i viktimave në gaza dhe situata e rëndë humanitare atje ka tronditur opinionin botëror dhe ka ndezur thirrjet për një armëpushim, me afrikën e jugut që e coi cështjen para gjykatës ndërkombëtare të drejtësisë në Hagë ku po akuzon Izraelin për Genocid.