Pavarësisht se e gjithë bota është mbërthyer nga frika e koronavirusit mesa duket kjo gjë nuk e ka ndaluar Papa Françeskun të zhvillojë vizitën e tij zyrtare në një vend aq delikat siç është Iraku. Si gjithmonë Papa kujdeset që të shpërndajë kudo mesazhet e tij dhe ka bërë thirrje për t'i dhënë fund dhunës dhe ekstremizmit. Sigurisht që askush nuk mund të mohojë sa e rrezikshme është kjo vizitë por çuditërisht ka qenë vetë 84-vjeçari që ka këmbëngulur. Ai shpreson të nxisë dialogun ndërfetar, teksa ka takuar klerikun mysliman më të nderuar të Irakut. Rreth 10,000 forca të Sigurisë Irakiane u vendosën për të mbrojtur Papën dhe për më tepër ishte vetë kryeministri i Irakut Mustafa al-Kadhimi e cili e priti atë në aeroport, me një tapet të kuq. Papa Françesku tha se ishte shumë i kënaqur që kishte shkuar në Irak, madje e përshkroi atë si "djepi i civilizimit". "Le të heshtë përplasja e armëve ... le të ketë fund të akteve të dhunës dhe ekstremizmit, fraksioneve dhe intolerancës!" tha ai. Udhëtimi i Papa Françeskut është i pasur me simbolikë, por i mbushur me rrezik, jo vetëm shqetësimet e sigurisë së një vendi të shkatërruar nga konfliktet ndërfetare dhe sektare, por edhe për shkak të niveleve të larta të të infektuarve më Covid-19 që nga fillimi i pandemisë.