Situata epidemiologjike në Kosovë vijon të jetë e qetësuar , ku numri i rasteve të reja dhe i viktimave cdo ditë pëson rënie. Ministria e Shëndetësisë bëri me dije se në 24 orët e fundit janë shënuar 41 raste të reja, pas 2 mijë e 777 testimeve të kryera. Ndërkohë, po gjatë kësaj fashe orare është registruar 1 viktimë. Nga njoftimi zyrtarë I ministrisë thuhet se 198 pacientë u shëruan nga koronavirusi përgjatë 24 orëve të fundit, ndërsa raste aktive mbeten 1 mijë e 737. Deri më sot, në Kosovë janë dhënë mbi 1.3 milion vaksina kundër koronavirusit, ku mbi 579 mijë qytetarë janë vaksinuar plotësisht me nga dy doza. Kosova ka përjetuar një valë të rëndë infektimi në muajin gusht, kur numri i viktimave disa herë ka kaluar 30 në ditë. Aktualisht në Kosovë janë në fuqi masa që kërkojnë dëshmi të vaksinimit ose teste negative kundër koronavirusit për të hyrë në objektet e gastronomisë dhe në institucionet publike dhe private të Kosovës që kanë punë me palë.