Presidenti amerikan, Donald Trump, mbajti fjalimin e diplomimit para Akademisë Ushtarake të SHBA-së në Ëest Point të shtunën, duke deklaruar se klasa e vitit 2025 përbëhet nga “të diplomuarit e parë të Ëest Pointit të Epokës së Artë të Amerikës”. “Kjo është Epoka e Artë. Ju them, ju premtoj, jemi në një epokë të re”, u tha Trump të diplomuarve në Neë York, duke u zotuar se ata “do ta udhëheqin Ushtrinë amerikane drejt kulmeve të madhështisë”. Fjalimi, i cili zgjati thuajse një orë, preku një mori temash, që nga arritjet e kadetëve e deri tek cështjet e përplasjeve kulturore. Trump shfrytëzoi po ashtu rastin edhe për të reklamuar planin e tij për sistemin e mbrojtjes nga raketat, Golden Dome, për të cilin ai më parë ka thënë se do të "ishte i aftë të kapte raketat edhe nëse ato lëshohen nga ana tjetër e botës apo nga hapësira”. Presidenti u ndal edhe tek "buxheti ushtarak prej 1 trilion dollarësh", duke iu referuar rritjes së propozuar prej 13 përqind të shpenzimeve të mbrojtjes prej tij. Trump tha se administrata e tij, po ndërmerrte hapat e duhur për të korrigjuar kursin brenda ushtrisë. “Puna e Forcave të Armatosura të SHBA-së nuk është të organizojnë shfaqje drag queen, të transformojë kulturat e huaja, por të përhapë demokracinë tek të gjithë në botë përmes armëve. Detyra e ushtrisë është të dominojë çdo armik dhe të shkatërrojë çdo kërcënim për Amerikën, kudo, kurdo dhe në çdo vend”, tha Trump.