Qeveria propozon shpenzimin e gati 10 për qind të prodhimit të brendshëm bruto në dekadën e ardhshme për të forcuar ushtarakisht vendin. Shifra prej 1.8 miliardë euro është pjesë e strategjisë afatgjatë të qeverisë shqiptare, ku parashikohet që brenda një dekade ushtria të përforcohet me armatime dhe rritje pagash. Qëllimi është që deri në vitin 2033, qeveria të shpenzojë 2.8 për qind të prodhimit të brendshëm bruto për mbrojtjen, duke tejkaluar ndjeshëm kufirin e vendosur nga NATO. Në rilindjen e ushtrisë parashikohet që qeveria do të investojë në armatime modern, ku përfshihen dronët pa pilot, krijimin e sistemit anti-dron apo blerjen e helikopterëve të rinj Black Haëk. Nga vlera e parashikuar e investimeve, Forcat Ajrore do të marrin fondet më të mëdha ndjekur nga ato detare dhe më pas tokësore, ndërsa pas nuk mbetet as komanda mbështetëse. Strategjia përfshin një rijetësim të bazave ushtarake ku pritet do të investohet në garnizonet Zall-Herr, Ferraj e Pezë Helmës. Në listën e investimeve është edhe zhvillimi i infrastrukturës pritëse dhe akomoduese portuale dhe aeroportuale në Porto Romano dhe bazën detare Pash Aliman. Përveç bazës së NATO në Kuçovë pritet të modernizohet edhe Bazës Ajrore Farkë.