Megjithë masat e ashpra të sigurisë të marra dje nga policia në Paris, tifozët e shumtë të Marokut shkaktuan zhurmë dhe përplasje me oficerët pas humbjes së kombëtares ndaj Francës. Skuadra speciale të policisë u dislokuan dje në disa qytete të Francës kur fansa të shumtë dolën në rrugë pas gjysmë finales së kampionatit botëror. Në trazira raportohet se një djalë i ri 14 vjeçar ka humbur jetën kur tifozët e dy skuadrave u mblodhën në numra të mëdhenj ne Montpellier pas ndeshjes. Përplasje u shënuan në disa qytete të vendit me komunitet të gjerë qytetarësh me origjinë nga Maroku. Në video të shpërndara në rrjet tregoheshin fishekzjarrë e kapsolla të hedhura mes shesheve në Montpellier. Si Franca e Belgjika kanë komunitete të gjera marokene shumica e të cilave kanë qytetari të dyfishtë. Franca arriti të fitojë ndeshjen duke kaluar në finalen e të dielës së botërorit të Katarit, që do të luajë të dielën kundër Argjentinës.