Kryeministri indian në homazhe për heroin e pavarësisë Mahatma Gandhi në 75-vjetorin e vdekjes. Kryeministri i Indisë Narendra Modi dhe presidenti Droupadi Murmu ishin sot në homazhe për Mahatma Gandhi, liderin emblematik të lëvizjes së pavarësisë që u qëllua për vdekje 75 vjet më parë. "I përulem ‘Bapu’ në përvjetorin e tij Punya Titi dhe kujtoj mendimet e tij të thella. Bashkë me të, i bëj homazh të gjithë atyre që u martirizuan në shërbim të kombit tonë. Sakrificat e tyre nuk do të harrohen kurrë, por do të forcojnë vendosmërinë tonë për zhvillimin e Indisë”, tha Modi në koment. Një heshtje dy-minutëshe u mbajt për Mohandas Karmchand Gandhi, i njohur me dashamirësi në Indi si ‘Bapu’, i vrarë në këtë ditë në 1948. Përvjetori i vdekjes së tij kujtohet në Indi si “Dita e Martirëve”. Një lutje ndër-fetare u mbajt në tempullin Rajghat, ku u luajtën këngët e preferuara motivuese të Mahatma Gandhi. Një përshëndetje me të shtëna armësh u mbajt gjithashtu në memorial ku njerëz e nxënës shkollash nga fusha të ndryshme të jetës bënë nderimet e tyre për Mahatma Gandhi. Pamjet: AFP