Pas zjarreve shkatërruese në Greqi, pjesa më e madhe e fokusit mbeti në verilindje të vendit, në rajonin e Evros pranë kufirit me Turqinë, ku një zjarr pyjor i shkaktuar nga nxehtësia u ndez tetë ditë më parë dhe u përhap me shpejtësi. Komisioni Evropian e përshkroi atë si zjarrin më të madh të vetëm në historinë e Bashkimit Evropian. “Rreth 74,000 hektarë tokë janë djegur, 13,000 prej tyre vetëm në parkun kombëtar Dadia”, raportojnë mediat greke. Të martën, në Evros u gjetën 18 trupa të djegur, që besohet të jenë emigrantë. Një trup tjetër u zbulua të premten. Zjarri dëmtoi gjithashtu ekosistemin natyror. Ornitologët paralajmëruan se pylli i vjetër me pisha ofronte vende perfekte foleje për zogjtë grabitqarë dhe shkabat, shumë prej të cilëve tani kanë rënë viktimë e zjarrit. Situata e zjarreve mund të përmirësohet pasi gjatë kësaj fundjave parashikohet të bjerë shi në Greqinë qendrore, në qytetin port të Selanikut dhe madje edhe në Athinë. Pamjet: AFP