Fondacioni bamirës i Beyonce ka njoftuar se do të dhurojë 2.5 milionë dollarë për njerëzit që humbën shtëpitë e tyre nga zjarret masive në Los Angelos. Fondi do të shpërndahet edhe në kisha e qendra komunitare në zona të tjera të prekura. Këngëtarja është prekur personalisht nga zjarret, pasi ka një shtëpi në Malibu së bashku me Jay-Z. Shtëpia e tyre mund të mos jetë prekur nga flakët, megjithëse nëna e Beyonce, njoftoi se humbi një shtëpi që kishte në Malibu nga zjarret javën e kaluar. Zjarrfikësit janë në një fazë kritike të betejës së tyre gjashtë-ditore kundër zjarreve vdekjeprurëse në Los Anxhelos. Zyrtarët thonë se kërcënimi i zjarrit do të mbetet shumë i lartë pasi erërat e rrezikshme rikthehen këtë javë. Zyrtarët paralajmëruan se pas një fundjave me erëra relativisht të qeta, erërat famëkeqe të thata të Santa Ana do të rriteshin përsëri nga mbrëmja e së dielës deri të mërkurën, duke arritur shpejtësi deri në 60 mph (96 km/h). Zjarrfikësit lokalë po ndihmohen nga ekuipazhet nga tetë shtete të tjera, si dhe nga Kanadaja dhe Meksika, të cilët vazhdojnë të mbërrijnë. Të paktën 24 persona kanë vdekur dhe dhjetëra janë të zhdukur, por zyrtarët thonë se nuk është ende e sigurt për të vlerësuar totalin e vërtetë.