Dy persona janë vënë në prangat e policisë për zjarrvënie të qëllimshme në Mirditë dhe Lezhë. 66-vjeçari i arrestuar në Mirditë dogji me zjarr një sipërfaqe të madhe me pyje dhe disa banesa të pabanuara. “Në vijim të punës hetimore për zbulimin dhe vënien përpara përgjegjësisë ligjore të autorëve të zjarrvënieve, specialistët për Hetimin e Krimeve në Komisariatin e Policisë Mirditë arrestuan në flagrancë shtetasin P. L., 66 vjeç, banues në fshatin Gjakëz, Mirditë.