Situata e zjarreve vijon të mbetet kritike. Ndërsa vendi po përballet me temperatura të larta dhe zjarret kanë pushtuar veriun e jugun, 45 vatra janë evidentuar gjithsej. Gjatë 24 orëve të fundit 16 vatra janë nën monitorim dhe 8 janë shuar plotësisht. Por 21 kanë mbetur aktive. Duke përfshirë kryesisht\: Parkun Kombëtar të Lurës, fshatin Zall Gjocaj në Mat, në Qafë Buall, Bashkia Bulqizë në të cilën janë evakuuar 6 banesa ndërsa është ndërhyrë edhe me 2 helikopterë nga ajri. E vështirë paraqitet situata në Bashkinë e Delvinës. Në lartësitë e malit mbi fshatin Kalasë 58 efektivë dhe 4 automjete zjarrfikëse të FA-së janë në dispozicion. Vatra ka midis fshatrave Borsh, Piqers. Ndërsa në Lukovë janë 4 vatra te shkëputura midis tyre por në lartësi dhe pa asnjë mundësi ndërhyrje me njerëz dhe mjete por është bërë e mundur ndërhyrja nga ajri në orët e para të mëngjesit.