Pamjet gati apokaliptike që po shihni i përkasin rajoneve qendrore dhe jugore të Kilit, ku të paktën 19 persona kanë vdekur për shkak të vatrave të zjarrit që përfshiu pyjet në këto zona Ministrja e Brendshme Carolina Toha, konfirmoi numrin e viktimave të shtunën duke paralajmëruar se numri i tyre ka të ngjarë të rritet. Në të gjithë vendin u raportua për 92 vatra zjarri që kanë prekur një sipërfaqe prej 43 mijë hektarësh. Të mbështetur nga helikopterë dhe avionë, zjarrfikës dhe vullnetarë po luftojnë flakët në kodra në pjesë të ndryshme të vendit, por flakët thonë ata favorizohen edhe nga temperaturat e larta. Zjarrfijësit thanë se kanë mundur deri në këto momente të vënë në kontroll 40 vatra zjarri, ndërsa gjendja e emergjencës do të vijojë. Rajoni i Valparaisos është goditur edhe në dhjetor të vitit 2022 nga një valë zjarresh, të cilat përhapen me shpejtësi edhe për shkak të ndërtimeve në zona të paautorizuara. Pamjet: AFP