Presidenti ukrainas, Volodymyr Zelensky mbërriti në Vilnius të Lituanisë këtë të martë, për të marrë pjesë në një samit të NATO-s kushtuar veçanërisht dëshirës së Kievit për t’u bashkuar me aleancën. I shoqëruar nga bashkëshortja Olena Zelenska, Zelensky u prit nga presidenti i Lituanisë Gitanas Nauseda dhe bashkëshortja e tij Diana Nausediene. Ndërsa pret një datë konkrete për t’ju bashkuar aleancës, thirrja e Zelenskyt ishte e qartë. SINK ZELENSKY "Këtu në Vilnius ka ardhur një flamur nga fushëbeteja e Bakhmut. Bakhmuti po zhvillon një nga betejat më vendimtare për liri në Evropë, dhe kështu do ta kujtojnë fëmijët dhe nipërit tanë. Duhet të luftojmë kundër ushtarëve rusë në vendin tonë” Zekensky tha se do të ishte absurd nëse gjatë këtij samiti Ukraina nuk merr një datë konkrete për anëtarësim. ZELENSKY SINK “Do të ishte absurde dhe e paprecedentë nëse nuk përcaktohet afat as për kohën se kur mund të jepet ftesa për anëtarësim për t’iu bashkuar NATO-s, as se kur mund të ndodhë anëtarësimi” Sipas presidentit të Ukrainës, paqartësitë e vazhdueshme mbi anëtarësimin e Ukrainës në NATO i japin “shkak Rusisë që të vazhdojë terrorin e saj”. Pamjet: AFP