Volodimir Zelensky ka mbërritur në SHBA për takimin me Donald Trumpin në Shtëpinë e Bardhë, dhe nuk është vetëm. Presidenti ukrainas shoqërohet në këtë rrugëtim kyc nga disa partnerë europianë. Shefja e Komisionit Evropian Ursula von der Leyen Kancelari gjerman Friedrich Merz, presidenti francez Emmanuel Macron, kryeministri britanik Keir Starmer, presidenti finlandez Alexander Stubb, kryeministrja italiane Giorgia Meloni dhe sekretari i përgjithshëm i NATO-s Mark Rutte kanë udhëtuar së bashku me të. Udhëtimi do të shërbejë "për të shkëmbyer informacione" me Trump pas takimit të tij me udhëheqësin e Kremlinit Vladimir Putin në Alaskë, njoftoi zëdhënësi i qeverisë gjermane Stefan Kornelius. Temat e bisedimeve përfshijnë "garanci sigurie për Ukrainën, çështje territoriale dhe mbështetjen e vazhdueshme për Ukrainën për t'u mbrojtur kundër agresionit rus". Që përpara takimit megjithatë, me një deklaratë të vetme, Trump i tregoi homologut ukrainas kufijtëe e kërkesave të tij.