Një arsenal armësh dhe municioni luftarak u sekuestrua nga policia në Pogradec, ndërkohë u arrestua poseduesi I tyre, një 40-vjeçar nga fshati Starovë, I dënuar më parë për “prodhim dhe shitje të lëndëve narkotike”. Aksioni u zhvillua pas informacioneve të siguruara në rrugë operative nga ana e agjentëve se një shtetas posedonte armë zjarri në banesë. Gjatë kontrollit të ushtruar uniformat blu, zbuluan të fshehura: një mitraloz të lehtë; një armë zjarri tip automatik; dy pushkë gjysmëautomatike; një sasi e konsiderueshme municioni luftarak; krëhëra automatiku, pushke dhe mitralozi; 1 gjerdan mitralozi me 30 fishekë; një granatë dore ofensive; pjesë të lëvizshme të pushkës, të cilat u sekuestruan në cilësinë e provës materiale. Nga hetimet e kryera dyshohet se 40-vjeçari do ta trafikonte arsenalin e armëve dhe municioneve luftarake, në drejtim të Maqedonisë së Veriut.