Policia e Shkodres, ka zbardhur plagosjen e ndodhur më 8 shkurt në lagjen “Guerrile” të Shkodrës ku si pasojë e të shtënave me armë zjarri mbeti i plagosur 60 vjeçari Selami Brahimi. Dy ditë më vonë fale bashkepunimit me interpol, është bërë i mundur arrestimi i autorit 68 vjeçar, Sulejman Kapllani i cili ishte arritur të arratisej drejt Gjermanisë. Arrestimi i tij u bë i mundur në qytetin e Berlinit falë bashkëpunimit të policisë shqiptare me homologët gjermanë. 68 vjeçari dyshohet të ketë qenë autori kryesor atentatit ku u qëllua me armë zjarri drejt automjetit tip “Citroen” ku ishte Selami Brahimi i cili fatmirësisht arriti të shpëtonte duke u plagosur lehtë. Shënjestra e atentatit ka deklaruar në polici se nuk e kishte konflikte me askënd dhe se nuk kishte arritur të identifikonte autorin.