Edhe pse të dërguarit e SHBA-së dhe BE-së për Ballkanin Perëndimor dhe dialogun Kosovë-Serbi, Gabriel Escobar dhe Miroslav Lajcak e bënë të qartë se nuk do t`i imponojnë Kosovës modele për Asociacionin e komunave me shumicë serbe, Aleksandar Vucic preferoi të dilte me një qëndrim aspak kundërshtues ndaj tyre. Përkundrazi, kreu i shtetit ser bi falenderoi dy zyrtarët e lartë për angazhimin personal në dialog dhe ka tha se qasja e tyre pragmatike siguron atmosferë neutraliteti. Vucic u takua në Beograd me të dy ata për të diskutuar stabilitetin e rajonit, si dhe për përparimin ekonomik të Serbisë dhe Ballkanit Perëndimor, tha presidenca serbe përmes një deklarate për shtyp. Sipas Vuçiqit, autoritetet në Prishtinë po bëjnë përpjekje të vazhdueshme për të shmangur përmbushjen e detyrimeve të tyre përmes provokimeve të njëanshme gjë që, sipas presidentit serb, e pengon shumë ecurinë e mëtejshme të bisedimeve. Escobar dhe Lajçak thuhet të kenë ofruar mbështetjen e tyre për vazhdimin e dialogut konstruktiv si dhe për integrimin e Ballkanit Perëndimor. Sipas tyre, është shumë e rëndësishme që Kosova dhe Serbia të përmbushin të gjitha detyrimet që parashikon procesi i dialogut.