Serbia po përgatit një tjetër fushatë kundër Kosovës për të penguar anëtarësimin e saj në Këshillin e Evropës. Presidenti serb Aleksandar Vuçiç, i kërkoi të enjten qeverisë së tij të themelojë një grup pune, i cili do të bëjë çfarë është e mundur për të penguar anëtarësimin e Kosovës dhe të angazhohet për të penguar miratimin e një rezolute në Asamblenë e Përgjithshme të OKB-së për gjenocidin në Srebrenicë. Vuçiç deklaroi gjithashtu se do të diskutojë me udhëheqës botëror për këto çështje përfshirë presidentin francez Emmanuel Macron, me të cilin pritet të takohet të hënën, për të biseduar mes tjerash forcimin e bashkëpunimit në fushën e industrisë së mbrojtjes. Gjithsesi, në një moment ai pranoi se “shanset e Serbisë” janë të pakta që të realizojë misionin e saj, por gjithsesi kërkoi që kjo inciativë të konkretizohet dhe si argument argument kryesor të jetë “mosthemelimi i Asociacionit të komunave me shumicë serbe”. Pamjet: AFP