Avokati mbrojtës Mirash Martini teksa i ka paraqitur gjykatës konkluzionet përfundimtare, bazuar në prova, pamje filmike dhe dëshmitë e marra në këtë proces kërkoi pafajësi, pasi klienti i tij ka vepruar në kushtet e vetëmbrojtjes. Sipas mbrojtjes, organi i akuzës në konkluzionet e tij përfundimtare paraqiti të njëjtin material që kishte që në paraqitjen e kërkesës për gjykim. Mbrojtja shton se prokuroria në konkuzionet e saj nuk ka marrë parasysh asnjë nga dëshmitë e dhëna në këtë process, madje as ekspetizën mjekësore që vetë organi i akuzës kërkoi për vlerësimin e gjendjes psikologjike të Arbër Paplekajt në momentin e kryerjes se krimit. Sipas këtij vlerësimi mjekësor, në momentin e ngjarjes Arbër Paplekaj ka vepruar në kushtet e afektit fiziologjik, ku vetëdija e tij ka qenë e dobësuar.