Përfundoi votimi për zgjedhjet lokale në Turqi, ndërsa ka nisur procesi i numërimit në 81 provincat e vendit. Mes 61.44 milionë shtetasve me të drejtë vote, morën pjesë për herë të parë rreth 1 milionë të rinj. Rexhep Tayyip Erdogan ka vënë në qendër të betejës elektorale rimarrjen nën kontroll të Stambollit me kandidatin Murat Kurum, nga rivali i tij Ekrem Imamogllu. Sondazhet paraprake tregojnë për një garë të ngushtë. Pas numërimit të kutive të para, media vendëse raporton se deri në orën 19.00, CPH, partia rivale e Erdoganit kryesonte në qytetet e Stambollit, Ankarasë dhe Izmirit me afro 49 për qind të votave, kundrejt 42% për kandidatët e AKP. Rezultatet e zgjedhjeve të së dielës mund të forcojnë pushtetin e Erdogan në Turqi, ose të shërbejnë si sinjal për një ndryshim në skenën politike.